Plantun de Prouvènço

Pèr coumpara dos planto d'encò nostre

Lythrum salicaria & Lactuca perennis

Tè-di-paure

Lythrum salicaria

Lythraceae

Àutri noum : Crèsto-de-gau, Erbo-de-cierge, Erbo-de-ciro, Erbo-de-la-pòu.

Noms en français : Salicaire, Herbe aux coliques.

Descripcioun :
Grando planto de roubino, de canau e de ribiero bèn drecho, e di flour vióuleto que fan uno longo espigo. La planto s'atrobo d'en pertout e tiro l'iue de jun à setèmbre. Se pòu pas engana.

Usanço :
Lou tè-di-paure èi di proun vertuous : li flour sougnon la fouiro, lou mau de vèntre e d'estouma, e soun bono pèr la circulacioun dóu sang. Se bèu en infusioun (50 g de flour sèco pèr un litre d'aigo) o peréu en sirop (faire macera li flour emé de mèu). Parèis meme que soun bono contro la raumido de pèu (egzema). Dins lou TdF es escri que li gènt de Cadarousso n'en prenien après qu'aguèsson agu uno grosso pòu.

Port : Grando erbo
Taio : 30 à 200 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lythrum
Famiho : Lythraceae

Ordre : Myrtales

Coulour de la flour : Roso
Petalo : 6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun

Liò : Palun - Ribiero
Estànci : Termoumediterran à Coulinen
Couroulougi : Cousmoupoulito
Ref. sc. : Lythrum salicaria L., 1753

Laurige

Lactuca perennis

Asteraceae Compositae

Àutri noum : Laurigo, Laujo, Cendrau, Broco, Cacho-lebre.

Nom en français : Laitue vivace.

Descripcioun :
La laurigo es uno planto renadivo en rouseto que flouris à la primo amé de bèlli flour bluèio que podon pas engana. Fai de la à la coupo. Li fueio, proun retaiado, soun souvènti-fes de coulour verdalo.

Usanço :
Es uno bono erbo de la cicoureiado vo ensalado champanello. Soun goust es agradiéu, un pau dous. La poudès culi tre li pluèio d'autouno en vous avisant de leissa la racino e quàuqui fueio pèr l'an que vèn.

Port : Erbo
Taio : 15 à 60 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Lactuca
Famiho : Asteraceae
Famiho classico : Compositae

Ordre : Asterales

Coulour de la flour : Bluio
Petalo : >6
Ø (o loungour) flour : 2 à 4 cm
Flourido : Printèms - Estiéu

Sòu : Ca
Autour basso e auto : 0 à 2300 m
Aparado : Noun
Remarco : Ensalado champanello
Jun à juliet

Liò : Garrigo - Roucaio - Esboudèu - Tepiero seco
Estànci : Termoumediterran à Mountagnard
Couroulougi : Eurimediterrano-Ouèst
Ref. sc. : Lactuca perennis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Lythrum salicaria & Lactuca perennis

CCC

Coumpara Tè-di-paure emé uno autro planto

Coumpara Laurige emé uno autro planto